قــســم النــكــت هدا واحد القواس مشا يتفرج فواحد لمباراة..المهم بدا لماتش ب 40دقيقة وماكاينش اللي يسجل الهدف...غير مشا يشرب هوا يتمركا لبيت منين رجع تيجري ماشافوش...و فاش دارو الاعادة دربات الكرة البوطو...
هذا واحد سقرام مات باه دارو فتلاجة حتى تموت امو ويدير جنازة وحدة.

واحد بغا يشري حولي.. عندو غير 800 درهم.. مشا للرحبة لقا كلشي غالي.. قال لواحد البياع عندي غير 800 درهم وبغيت حولي.. قال ليه البياع.. تاكلو هنا وللا تديه معاك

واحد الصحفي مشى لسبيطار الحماق باش يدير لقاء مع الطبيب
الصحفي: كيفاش كتعرفو اللي مسطي من اللي بعقلو؟
الطبيب: كنديرو الاختبار ديال البينوار
الصحفي: واشنا هو هاد الاختبار؟
الطبيب: كنعمرو البينوار بالما وكنعطيو للمريض معيلقة، غراف، وسطل. وكنقولو ليه يخوي البينوار
الصحفي: وطبعا إيلا استعمل المعيلقة أولا الغراف كيكون هبيل، وإيلا استعمل السطل كيكون بعقلو
شاف فيه الطبيب وقال ليه: إيوا ف الحقيقة اللي بعقلو غادي يحل السيفون صافي... بغيتي الشرجم ديال بيتك يطل على الشانطي أولا على الجردة؟

عشرة د المكلخين كيتعلموا الربطة ديال الكرافاتة. ستة ماتوا وربعة ف حالة حرجة.

واحد البنت قالت لباها راه واحد ولد الناس بغى يخطبني وما فيه حتى عيب. قال ليها باها واخا، قولي ليه يجي نشوفو
جا الخطيب وجلس مع بات البنت وهو كيمضغ المسكة وهو يقول ليه الراجل: مرحبا بيك أولدي. ولكن واش ما جاتش ف شكل تمضغ المسكة ونتا جاي تخطب؟
الشاب: ولكن أ عمي، المسكة ضرورية من بعد ما يكمي الواحد كارو
قال ليه الراجل: هي كتكمي؟

قال ليه الشاب: شوية مع شي كويس ديال الشراب وصافي،

قال ليه الراجل: وزايدها كتسكر؟

قال ليه الشاب: مرة مرة، ملي كنقمر

قال ليه الراجل: وفين كتلعب القمار؟

قال ليه الشاب : ف واحد الكاباري

قال ليه الراجل: ومن إمتى ونتا كتمشي للكاباريهات؟

قال ليه الشاب: من نهار خرجت من الحبس
قال ليه الراجل: وعلاش دخلتي الحبس؟
قال ليه الشاب: حيت ضربت واحد الراجل بالموس وقتلتو
قال ليه الراجل: وعلاش قتلتيه؟
قال ليه الشاب: حيت ما بغاش يجوجني بنتو
قال ليه الراجل: على بركة الله، نجيبوالعدولات .

رباعة د المكلخين دارو مظاهرة ناضوا لبّسوا واحد فيهم الماسك ديال بوش وحرقوه

هادا واحد التلميد قال ليه المعلم: عطيني خمسة ديال الحيوانات
قال ليه التلميد: بقرة و كلب و تلاتة ديال الحمامات.

واحد الطلاب مشى عند واحد مول فران مسموم قال ليه : خويا، سيمانة هادي ما دقت الخبز
قال ليه مول الفران المسموم: راه مداقو هو هو، ما تبدلش.

الفروج قال للدجاجة: أشنو فايدة اللي كيبيض البيض للناس باش ياكلوه؟
قالت ليه الدجاجة: إيوا بعدا حسن من اللي كيودن وما كيصليش.

هادي واحد المرا طيبات لراجلها النهار اللول ملوخية
النهار التاني طيبات ليه خبيزة
النهار التالت طيبات ليه السبانخ
النهار الرابع سولات راجلها: أشنو نطيب ليك اليوم؟
قال ليها: أبلا ما تعدبي راسك، غادي نمشي نسرح بوحدي.

واحد الولد سول باه: كيفاش نعرف واش الواحد سكران؟
قال ليه باه: السكران أولدي غادي يقول ليه راه هادوك ربعة د الشجرات ماشي جوج
منين تلفت الولد فين شير باه وهي تبان ليه غير شجرة وحدة.

هادي واحد الخايبة شافت وجهها ف المراية وقالت: هادو اللي كيصايبوا المرايات ولاو غير كيركعوا .

مكلخ خطف مكلخة ودارها ف الطوموبيل. البنت بدات كتغوت
قال ليها المكلخ: غادي تسكتي أولا غادي تنزلي
قالت ليه: لا صافي هاني سكت.

هادا واحد سمع الغوات عند الجيران ف نصاصات الليل ومشى يشوف أشنو واقع، قالو ليه الما د الروبيني فيه التسمم.
رجع الراجل لدارو وسولاتو مرتو: أشنو واقع؟ قال ليه راجلها: أوالو داكشي. شربي ليك شي كاس ديال الما ونعسي.


...................
هدا واحد ناشط مشى عند البقال ...أو قال ليه عندك قنبولة 180 ريال بغيت نضحك مع مالين الدار...جاوبو مول الحانوت...زيد درهم أو شري بوطة صغيرة هجرو ليهم....
.............................
هدا واحد المكلخ بغا اطلع للقمر ...مني كان غادي خسر بيه الصاروخ أو طاح فصحراء سيناء...سحابو واش وصل للقمر....واحد الشوية جا عندو واحد المصري أو قال ليه (حتموت من الشمس )..جاوبو صاحبنا متشرفين..(ونا حشحوش من الأرض)
...........................
واحد حشايشي شاف باه فالزنقة.. باه جا عندو قال ليه مال موك مشفتنيش.. قال ليه شفتك غير معرفت فين
.........................
واحد كياكل بلا مايقول بسم الله... واحد نهار كال كسكس بالحرور... وهوا يهز مونادا باردا .. وقال للشيطان ودابا شوف باش تبرد ... بسم الله
...........................
دكتور ديال الحماق دخل عليهم لقى ثلاثة واحد طالع فوق الآخر قاليهم اشنو تتديرو ؟ قاليه الي تحت سكت سكت... حنا عمارة ديال تروا زيطاج هي هي هي ..جمع يدو وعطاه بتصرفيقة يمكن هذه داخلة في شغلو..وهو لحمق الي تحت قال للفوقاني نزل أصاحبي شوف شكون الي تيدق في الباب يلاه..
..............................
واحد الدري مدة هادي ماشاف واحد صاحبو قال والله حتا نمشي نسول عليه
مشا لدار ديالهم دق دق خرجات مو... سولها قالت ليه اولدي من داك النهار سخرناه يجيب اللحم مارجاعش
قال ليها و شنو درتو؟؟ قالت ليه الدجاج
............................
هذا واحد عروبي اول مرة كيشري لبورتابل هو يسمع برسائل (messages)
هو يعطي بورطابل ديالو لصاحبو قاليه كتبلي رسالة قالو مالك متكتبو انت قاليه خطك حسن من خطي
...........................
هادي امريكا بغات تصنع صاروخ المهم كلشي شارك معها... ها اللي جاب البياس و ها اللي ساعد باليد العاملة ..و اللي عاون بالفلوس... و حتى سالاو و هما يشوفوا واحد المغربي جايب ورقة كبيرة مكتوب فيها( صنع في المغرب )
..............................
هذا واحد شدوه البوليس
قالوليه: اعطينا لاكارت
قال ليهم: وشا ديال اتصالات ولا ميديتيل
قالوليه: كتفلى علينا شدوه عطاوه واحد سلخة واعرة، ضربوه
قالوليه: كيف جاتك التعبئة
قال ليهم: مزيانة الحمد لله مانكانتش التعبئة مضاعفة
............................
.عشرة مجانين يدفعون سيارة لكنها لا تتحرك لماذا ...؟؟؟؟؟لان خمس يدفعون من الأمام وخمسة من الخلف
....................
- هادو ثلاثة الدراري مشاو السينما 1-عمي 2-اصم 3-احول
قال العمي: انا سمعت الفلم لكن ما شفتوش
قال الاصم:انا شفت الفلم ولكن ما سمعتوش... واش قال الاحول: انا احسن منكم شفت الفيلم جوج مرات
.......................
هادي واحد الدجاجة دصر عليها واحد الثعلب مشات عند راجلها الفروج قالت ليه ان الثعلب دصر عليها ما عجبوش الحال قالها هاني غادي نوريه الشغال . منين كان راجع شافتو مريش قالتيه مالك الراجل فين الريش ديالك قالها انا جبدت عليه الجاكيتة و هو يهرب
.....................
قالك واحد لعروبي ميعرف والو فهاد الدنيا جاتو واحد انهار فيزا لفرنسا
المهم اركب في الطيارة مين هو جالس جات العندو المضيفة امعاها الاكل
او قالتلو واسمو ابغيت تاكل الي عجبك قالها:/ الا اختي منكل والو هتا يطلع الي ابيع البيض
هههههههه
مسكين احسابو راه راكب فالكار
........................
هدا واحد السكيري هاز قرعة ديال الروج شاف البوليسي وهوايخبيها.. وهوا يجي عندو البوليسي قاليه ..اش داكشي اللي مخبي قاليه السكيري لا والو غا اللبن ومع لخلعة وهيا طيح ليه القرعة ديال الروج وتهرسات وهوا يقوليه البوليسي هذا هو اللبن ومالو حمر.. قاليه السكيري لا والله اتا لبن غاشافك وهوا يتزنك
........................
هدا واحدمول الطاكسي، صباطو خانز، سولو الكليان ديالو، شحال من حصان في الموطور ديال الطاكسي، قال ليه: عشرة ديال الخيل، جاوبوالكليان : يمكن مات ليك شي واحد منهم
..........................
معكاز شرا ليه باه محل ديال دجاج باش يجمع راسو جات عندو واحدة قالت ليه ارا ليا شي دجاجة فيها 2 كيلو... الدري مكسل.. شاف فدجاج وقاليهم يالاه للي فيها 2 كيلو تنوض...
..........................
+هدا واحد خينا مربي بزاااااااف كايدق باب التلاجة قبل ما يحلها.
+هدا واحد سراق الزيت (صرصور) طاح ف مولينيكس ملي خرج قال الله ينعل اللي باقي يمشي ل لافوار
........................
هذا واحد العروبي شرا R4 و بغا يجربها فالطريق قال نمشي بها للرباط المهم خرج صاحبنا للطريق يلا بغا إخرج من الدار البيضاء وهو اشعل الراديو وهو يسمع هنا الرباط وهو يقول بشااااااااخ على الحديد
............................
هدا واحد المعلم قال للتلاميذ ديالو كتبوا لي انشاء على مقابلة فكرة القدم واحد الكسول كتب ليه"نظرا للأمطار الغزيرة تأجلت المباراة
.............................
وحد المعلم سال واحد التلميذ
قالو أعطيني شيء يتمدد بالحرارة ويتقلص بالبرودة
التلميذ قالو: العطلة يا أستاذ. في الشتاء 15 يوم وفي الصيف 3 أشهر
...............................
واحد دخل للقهوة وقال للنادل: عندك قهوة باردة؟ يقولو: لا , زاد جاه غدا وقالو كيما المرة اللولة ورد عليه : لا, وعاد كل يوم يقولو: عندك قهوة باردة؟ واحد النهار قال النادل: والله تا نوجّدلو قهوة باردة قبل ما يجي, ومن بعد ساعة جا الزبون وقال: عندك قهوة باردة؟ قالو: نعم, قال: سخّنها وجيبها لي
...............................
قاليك هدا واحد لمكلخ ماعمروا مشى لشي مقهى وجلس فيها واحد النهار قال مع راسو والله حتى نمشي لهاد القهوة اللي مصدعينا بيها ونجلس فيها المهم خونا مشى وريح جالعندوا النادل قالوا شنوا حب الخاطر اسيدي قالوا بغيت قهوة مشى النادل جاب ليه كاس ديال القهوة لمكلخ هو يهبط عليه دقة وحدة(بدون نفس) وهو يقول للنادل ممممممم صافي هي هاديك غي جيب لبريق
.........................
1-هدا واحد راجل شاف كلشي تيتزقرم هو يقول فراسو حتا أنا نبدا نتزقرم , هو يشري 5 لتر من زيت البلدية و بغا يساليها ف 5 سنين
بقا هكاك دازت 5 سنوات و هو يساليها مشا فرحان لقهوة تيقول لهم "ساليت 5 لتر ديال زيت ف 5 سنين"
هو ينقز واحد قاليه "وايلي أصاحبي وخا تكون تتسيق بيـــــــــه ....
.............................
هدو جوج كتغانوا على واحد القطة واش دكر ولا انثى
واحد جا دايز قلهوم طلقوها يلا هربت راها قطة ويلا هرب راه قط
..........................
مرة واحد محشش دخل البيت ،لقى امه تحترق،فقال لها:منورة اليوم!!
.........................
هدا وحد مغريبي غال لواحد شينوي ضربني و نضربك ,غال ليه واخا -
جا شينوي ضربو ولمغريبي سخف يومين .فاش فاق غال لوه شنا درابتيني غال ليه
frape coup
جات نوبت مغريبي ضاربو و هوا يبقا فكوما عام .غال ليه شينوي شنو ضرابتيني غال ليه
k.m.j
غال ليه كيفاش هادشي جاوبو: كلامونيت ملوي في جورنال
.............................
هدا واحد زقرام بزاااااف فاق في صباح بكري ومشا يحل الحانوت ملي حلو لقاه مسروق وهو يسدو ورجع نعس وغطى راسو بالمانطا أو قال الله إخرج هاد الحلمة على خير
..............................
واحد السبيطار ديال الحماق خرجوهم لشانطي باش يشوفوا شكون اللي دار العقل قالوا ليهم للي تلقا لشي طونوبيل نعطيوه طريف ديال ماروخا كلشي كيتلقا لطونوبيلات و كيتشتت واحد بقا كيروغ على الطونوبيلات قالوا هدا مول العقل سولوه علاش كيروغ عليهم قاليهم كنتسنا شي رموك باش ندي باكيا
.........................
غال ليك هدا واحد ربح مليار في لوتو قال اجي نشارجي يماها كولها في تيليفون عايت ل 555 جاوباتو خايتي : رصيدكم صالح الى يوم القيامة......
......................
قال ليك هادا واحد الاستاد رسم للتلاميد ضفدعة وقال ليهوم اش هادي
وهو ينوض واحد الكسول للسبورة وهو يقول ليه هادي جرانة قال ليه الحمار هادي راه ضفدعة و هو يرجع داك الكسول لبلاصتو وقال لصاحبو العجب كاتبان من البعد بحال شي جرانة
.........................
هذا واحد لعروبي شرا موطور 103 أو شفروه ليه .مشا عاوتاني شرا 103 آخر أوشفروه ليه ..من بعد مشا ديكلارا عند البوليس أو قاليهم شفرو لي 206

نكتة مابغاتش تدخل المنتدى خافة تضخكوا عليها